| İjau
koralçılarınıñ danı böten dönyaga taralgan. Respublika xalkınıñ tormış xäle
zavodlarıbıznıñ eşçänlege belän turıdan-turı bäyle bulganga, koral zavodına
200 el tulu bäyräme barıbız öçen dä bik zur ähämiyatkä iya. Bezdä citeşterelgän
koral Räsäy soldatları kulında Napoleon gaskärlären tar-mar itkändä ük üze
kürsätte. Berençe bötendönya sugışı vakıtında zavod sugışçılarnı Mosin
vintovkası belän täemin itte. Böek Vatan sugışı ellarında da koral ostalarıbız
front öçen köne-töne eşlädelär.
İke
yubileyga bagışlangan çaralar yañadan tergezep korılgan İzge Mixail çirkäven
açudan başlanıp kitäçäk. Bu sobor 1907nçe elnı İjau eşçeläre cıygan akçalarga,
zavodnıñ 100 ellıgı xörmätenä tözelgän ide. 1937nçe elnı çirkäü, tözek häm
matur buluına karamastan, cimerelä.
İzge
Mixail Arxangel koral yasauçılarnıñ töp yaklauçısı bulıp isäplängän. Sobornı
yañadan koru öçen böten respublika matdi yardäm kürsätte. 5nçe avgustta çirkäü
açılu tantanasına Mäskäü häm böten Rus Patriarxı Aleksey II kiläçäk. Şuşı könnärdä
İjauda ütäçäk pravoslavie dinendäge
yaşlär festivalendä dä Patriarx çıgış yasayaçak.
Respublikaga
yubiley tantanalarına küp xörmätle kunaklar kötelä. Alarnıñ berse - Räsäy Federatsiyaseneñ finanslar ministrı
Aleksey Kudrin. Ul Udmurtiyaneñ Räsäy sostavına kerüneñ 450 ellıgına
bagışlangan çirattagı kiñäşmäne alıp baraçak.
Zöhrä Välieva.
Kire kayt
|
