İrtägägene kaygırtıp yaşäüçelär inde xäzerdän ük üzlären yugarı sıyfatlı orlıklar belän täemin itü buença çaralar kürä. Ucım kulturaları zur mäydannar biläsä dä, saban kulturalarına da citdi igtibar birelä. Xucalıklarda boday, arpa, borçak, karaboday, solı, vikanıñ törle sort­ları bar. här agronom sınalgan sort­larga östenlek birä. Çäçülek orlık turında mäglümat kübräk bulgan saen, törle yalgışularga urın kuelmıy. “Rosselxoztsentr”nıñ Tatarstan Respublikası buença idaräseneñ Kaybıçtagı filialınıñ äydäüçe agronomı Firat Miñnullin süzlä­renä karaganda, rayonıbız igençelä­re bodaynıñ “Ester”, “Kazanskaya yubi­leynaya”, “Omsk-33”, arpanıñ “Nur”, “Rauşan”, “Räxät”, borçaknıñ “Gotik”, “Yamalsk” sortlarına östenlek birelä. Orlıklarnı tieşle konditsiyagä citkerergä kiräklege turında da istän çıgarırga yaramıy. Barlık xucalıklarda da orlıklarnıñ sıyfatına tikşerü üt­kärelde. “Çekmarev” KFX­sında ul tieşle kü­lämdä salıngan, läkin, kızganıçka karşı, boday orlıgınıñ çüple, “Trujenik” sortlı borçakta kortkıçlar buluı açıklangan. Bu xucalıkta solı üsterü täcribäsenä igtibar birergä kiräk. Mäglüm bulgança, biredä “Allyur” sortına östenlek birelä. Zakirov isemendäge cämgıyattä dä konditsiyale orlıklar citärlek. “Sadriev” KXFsında da “Trujenik” sortlı borçakta kortkıçlar buluı açıklangan. “Yaña yul” xucalıgında orlıklar tieşle konditsiyagä citkerelgän. Bu xucalıkta elnıñ-elına borçaktan yugarı uñış aluları igtibarga laek. Alar “Yamalsk” sortın üs­terä. “Kaybıçagroximservis” cämgıyateneñ “Zur Kolañgı” cämgıyatendä dä börtekle kulturalardan mul uñış üsterälär. Biredä yazın çäçü öçen bodaynıñ “Ka­zanskaya yubileynaya”, “Ester”, arpanıñ “Räxät” sortların citärlek kü­lämdä äzerläp kuygannar. “Altın başak” agroxoldingı sostavındagı agrofirmalar orlıknıñ sıyfatına cit­di karıy. “Göbenä”, “Altın kırlar”, “Altın başak” agrofirmalarında çäçülek orlık tieşle konditsiyadä. Alar nigezdä bodaynıñ “Ester”, arpanıñ “Nur”, “Rauşan”, borçaknıñ “Gotik” sortların üsterä. “Gö­benä” agrofirması bodaynıñ “Zlata” sortın da buldırgan.