Bez avılda yaşibez. Bezgä bu maksatnı tormışka aşıru öçen şähär bakçalarındagı kebek şartlar da yuk. Läkin şuña karamastan, bu eşne hiç kenä dä ikençe planga kaldırganıbız yuk. Balalar töple belem häm künekmälär alsın öçen törle alımnar kullanıp eşlibez, mavıktırgıç çaralar ütkäräbez. Küptän tügel  Yamaşirmäneñ “Yoldız” balalar bakçasında rayonnıñ metodik üzäk metodistı Aliya Ädhäm kızı Väliullina häm YuXİ programmaların finanslau direktsiyaseneñ Biektau filialı direktorı  A.N.Egorov citäkçelegendä oeştırılgan metodik kiñäşmägä kilgän tärbiyaçelärgä kürsätelgän çara – şunıñ açık misalı. Bez alarga mäktäpkä äzerlek törkeme balaları belän “Yoldız sägate” uenı häm urtançılar törkeme balaları belän rus xalık äkiyate “Kazlar-akkoşlar”ga nigezlänep eşlängän transport  törlärenä bagışlangan däres kürsättek. Bezneñ töp maksat – avıl   balalarınıñ üz-üzlären totu künekmälären, cämägat transportında ädäple  bulu, maşinalar  häm yul bilgelären belü, uy-fikerläü sälätlären üsterü, ber-berlärenä ixtiramlılık tärbiyaläü, cır-biyu künekmälären kamilläşterü.

Balalar kunaklar aldında üzlären kıyu tottılar. Soraularga tulı cavaplar birdelär, biedelär, cırladılar – çın mägnäsendä uen aşa belemnären nıgıttılar, künekmälären üsterdelär. Ä bolarnı balalarga barı tik üz eşlären yaratıp, icadi   eşläüçe tärbiyaçelär genä birä ala. Kollektivıbızda näk şundıylar eşli dip, ışanıp äytä alam. Mödirebez Galiyabanu Ädhäm kızı Sämigullina, tärbiyaçelär Gölzada İbrahim kızı Nurgalieva, Liliya Minnur kızı Gaynetdinova, Färidä Änvär kızı Näcmieva häm muzıka  citäkçebez  Liliya Albert kızı Safiullina oeştırgan bu çara – bezneñ küpellık eşebezneñ näticäse. Ä näticäbez söenerlek. Eşebez balalarnıñ belemle bulularında, rayon buença oeştırılgan konkurslarda  algan  Maktau kägazlärebezdä  dä kürenä.

Metodik kiñäşmäneñ töp maksatı – täcribä  urtaklaşu, eşne tagın da näticäleräk itep oeştıru öçen yañalıklar kertü. Fiker alışu vakıtında YuXİ programmaların finanslau direktsiyaseneñ Biektau filialı citäkçese  A.N.Egorov ta eşebezne yaxşı bäyaläde häm bakçabızga “Yulda yörü kagıydälären” öyränü öçen  svetofor, “Şähär maketı”, yul bilgeläre büläk itte. Alardan maxsus  poçmak oeştırdık. Ul eşebezne tagın da ciñeläytäçäk häm tırışıbrak eşlärgä
etärgeç biräçäk. YuXİ  programmaların finanslau direktsiyaseneñ Biektau filialı citäkçese   balalarıbızga da bü-läklär tapşırdı.

“Yoldız” balalar bakçasında oeştırılgan bu çara balalarga yul yörü kurkınıçsızlıgı  kagıydälären öyrätüne keçe yaştän ük  başlarga  kiräklekne tagın ber kat rasladı.