TİMÄŞ URTA MÄKTÄBENDÄ ÜTKÄN ÖÇ TÖR YaRIŞLARDA VIII-XI sıynıf egetläre katnaştı. Uennar Vatannı saklauçılar könenä häm Böek Ciñüneñ 65 ellıgına bagışlangan ide. Egetlär mıltıktan atu, turnikta tartılu, çañgı yarışları kebek sport uennarında üzara köç sınaştı. Näticädä, Timäş mäktäbe egetläre iñ yaxşı näticälär belän I urınnı yauladı. II urınga – Zelenaya Roça häm III urınga – Çkalov mäktäbe egetläre çıktı. Öç tör yarışnıñ absolyut ciñüçese itep Timäş mäktäbe ukuçısı Danis Ömetbaev iglan itelde. Ul barlık tör yarışlarda da iñ yaxşı näticälär kürsätte. Ciñüçelär gramota häm büläk iyaläre buldı.