Muslumau@rambler.ru
Bezneñ elektron adres: muslimau@rambler.ru Saytta bezneñ bülek: www.muslum.ru/social-life/smi/
Adres:423970,Tatarstan,Möslim rayonı,Möslim avılı, Puşkin uramı, 26.
Telefonnar: (885556) 25500; 25852.
Gazeta
«Avıl utları» gazetasınıñ berençe sanı 1931 elnıñ 16 oktyabrendä «Kümäk xucalık» iseme belän çıga başlıy. Anıñ berençe redaktorı Nurmöxämmätov bula. Gazeta ul vakıtta bügenge «Avıl utları»nnan eçtälege belän dä, eşläneşe häm formatı belän dä erak tora. Naçar gına kägazgä basıla, xäzerge gazetanıñ yartısı zurlıgında bula ul. Tieşle poligrafiya bazası bulma-ganlıktan, baştarak ul sistemalı da çıkmagan - atnaga ber, vakıtı belän xätta un köngä ber genä basıla. Läkin anıñ här yulınnan tormış kaynarlıgı, maksatçanlık börkelep tora. Gazeta yaña tormış, anıñ öçen köräş häm köräşüçelär turında söyli, üze dä yaña tormışnı tözüçe, oeştıruçı, öndäüçe, äydäüçe rolen üti.
1958 elnıñ aprelennän gazeta dürt bitle bulıp, «Kolxoz bayragı» iseme belän atnaga öç märtäbä çıgarıla başlıy. Şul uk elda rus telendäge «Kolxoznoe znamya» da dönya kürä. Ul şaktıy vakıt N.V.Grigorev redaktorlıgında möstäkıyl gazeta bulıp çıga, dublyaj bularak (tatarçadan tärcemä itelep) xäzer dä çıgıp kilä. Anıñ iseme belgänegezçä,”Selskie ogni”.
1962 elnıñ martında rayon gazetaları üzgärtep korılgaç, «Kolxoz bayragı» möstäkıyl gazeta buludan tuktıy häm Minzälä, Möslim, Aktanış, Sarman rayonnarı öçen ber gazeta çıga başlıy. 1963 elda Möslim rayonı beterelep, Sarman rayonına kuşılgaç, Sarmanda çıga torgan «Leninçı» gazetası bezneñ urtak gazetabız buldı. 1965 elnıñ yanvarenda Möslim rayonı yañadan oeşkaç, anıñ gazetası da «tugan yortı»na äylänep kayttı. Rayon jurnalistlarınıñ täkdime belän ul «Avıl utları» («Selskie ogni») isemendä çıgarıla başladı.
Änä şulay gazetabız ozın, katlaulı çor uzdı. Şul çorda ul respublikabıznıñ başka basmaları belän yanäşädä laeklı urın alıp torırlık zamança gazeta bulıp üste. Kaysı gına ellarnı alsak ta, zaman ruxı, il sulışı, xalık tormışı közgese rolen ütäde. Şul çorda anıñ eşçänlege berniçä tapkır respublika külämendä Diplomnar belän, ä çıga başlavına 50 el tulu uñaennan TASSR Yugarı Sovetı Prezidiumınıñ Maktau gramotası belän büläklände.
Partiya, xökümät tarafınnan kuelgan burıçlarnı ütäü öçen aktiv köräşü belän bergä ul üze dä üste häm bik küp kaläm ostaları, kürenekle jurnalistlar, yazuçılar üsterde. Tanılgan şagıyrlärebez Zölfät Malikov, Xarras Äyupov, Abdulla Sälaxetdinov, yazuçı Saimä İbrahimova, Rädif Gataullin, tänkıytçe, professor Flün Musin, prozaiklar Färit Gıylmet-dinov, Fakil Safin, prozaik, dramaturg Foat Sadriev, Fayaz Dunay «Avıl utların»da eşlägän yaki aña xäbärlär yazışıp üskän keşelär. SSSR Jurnalistlar Soyuzı çlennarı, ozak ellar «Sotsialistik Tatarstan» gazetasında eşlägän Zäyni Töxbätullin, Mödärris Mostafin, xäzer Mäskäüdä yaşäüçe Rafis İzmaylov, galim Marsel Välitov h.b. respublika radio-televideniesendä häm gazeta-jurnallarında näticäle eşläüçe şaktıy jurnalistlar «Avıl utları»nda kaläm çarladılar.
Gazetada törle ellarda redaktor bulıp hadi Kadıyrov, Kärimä Färdieva, Kärimä Väliullina, Marsel Välitov, Nail Mostaev, Foat Sadriev, Fedor Ermakov, Almaz Xäyrullin, Damir İdiyatullin, dublyaj buença redaktorlar S.İvantsov, P.F.İvanov, Viktor Busteryakov Ruzilä Bäxtiyarova kebek täcribäle jurnalistlar eşlädelär häm alarnıñ «Avıl utları» tarixında cuelmas ezläre bar. Redaktsiya xezmätkärläre bulıp eşlägän Tatarstannıñ atkazangan mädäniyat xezmätkärläre İlsöyar Äxmätşina, Salix Bakiev, Nais Gambärov, Nail Ganiev, Xämzä Kaşapov zur hönäri ostalık belän yazılgan materialları belän xalık küñelendä ozak saklanalar. Küp ellar buena rayon matbugatınıñ aktiv xäbärçese bulgan Ämir Gäräev, Xäbib Däülätşin, Säydel Zaripov, Şamil Şakirov, Timerşäex Fazullin, Misädim Kärimov, Xäläf Şämsetdinov, Bari Gallämov, Möcähit Äxmätcanov, Äxmädulla Äxmätgaliev, Gosman Musin, Mirfäez Galiev, Flürä Däülätşina, Xalisä Fättaxova, Lena Gazizova, Xäkimulla Şäyxramov, Äxsän Şäripov, Rif Gabbasov, Midxät häm Mäxmüt Fätxullinnar, Märnüsä Ganieva, Mizxät Xäybraxmanov, Fässax Vildanov, Äskıya Äxmätşina, Timerxan Şäräfetdinov, Leniza Välieva h.b. gazetanıñ tarixında, rayonıbız elyazmasında zur urın totkan şäxeslär bulıp kalırlar. Midxät Fätxullin ozak ellar bue rayon xäbärçelär sovetın citäkläde. Xäbärçelär yardämendä gazeta zaman sulışın toep, keşelärne namuslı xezmätkä öndäü, aldıngı täcribäne xalıkka citkerü, tormışka kertü, keşelärdä iñ kürkäm äxlakıy sıyfatlar tärbiyaläü kebek izge burıçlarnı namus belän ütäde. Tormışlar nikadär genä avır, säyasi añlaeşsız, bolgançık bulmasın gazeta bügen dä algı sızıkta, xalık belän, anıñ mänfägatlären yaklap yaşi.
2001 el rayon gazetası öçen zamança texnologiyalärgä küçü yagni kompyuterlarlaşu elı buldı. İyun aenda redaktsiyagä ike «Pentium-3» (verstka öçen), ike«Seleron-670» (nabor öçen),«Adfa-E-50» skanerı», «Ersop ERL -2010», «Sopop-LVK-810» printerı, «OLÜMRŞ-S-990» fotoapparatı, «AKORD-5600» modelı h.b. cihazlar kaytarıla. Gazeta baştagı çorda atnaga ber märtäbä, soñrak öç sanda kompyuterda eşlänep, ofset ısulı belän Yar Çallı tipografiyasendä basıla başlıy.
Möslim Matbugat üzäge
2003 elnıñ 1 fevralendä bulıp uzgan xalık deputatlarınıñ Möslim rayonı Sovetı Prezidiumı utırışında «Avıl utları» («Selskie ogni») gazetası redaktsiyase, rayon tipografiyase, rayon telekompaniyase, rayon cirle tapşırular redaktsiyase xezmät kollektivlarınıñ gomumi cıelışı berketmäsen karagannan soñ häm TR Däülät Sovetınıñ «Tatarstan Respublikasında jurnalist kadrlarnı äzerläü, ostalıgın arttıru, kvalifikatsiyalären kütärü sotsial yaklau turında»gı mäsälälär buença komissiyase täkdimnären Rossiya Federatsiyase häm Tatarstan Respublikası zakonnarı belän turı kiterep gamälgä aşıru yözennän «Möslim informatsiya-redaktsiya üzäge» Däülät uçrejdeniese tözü turında karar kılındı. Älege üzäk sostavına rayon gazetası, rayon tipografiyase, rayon televideniese häm cirle radiotapşırular redaktsiyase kertelä. Üzäkneñ direktorı vazıyfası Äxmätov Mödämil Gıylemcan ulına yöklänä. Şulay uk üzäktä kompyuter texnikasın remontlau cayga salına «Ofis» kibete eşli başlıy. Rayondagı massaküläm mäglümat çaralarınıñ bergä berläşüe jurnalistlarga häm matbugat xezmätçännärenä näticäle icadi eşçänlek belän şögıllänergä, töbäktäge informatsion kır belän idarä itärgä mömkinlek birä. Bergäläşep eş¬läüneñ, yañalıkka omtılunıñ, üzgäreşlärgä yöz totu¬nıñ uñay näticäse ozak köttermi 2004 elnıñ 19 maenda jurnalistlarnıñ 7 «Bällür kaläm» konkursında katnaşıp, «Avıl utları» gazetası bäygeneñ iñ zur büläge – «Bällür kaläm»gä laek buldı. 2008 eldan Möslim Matbugat üzäge yaña formatta – "Tatmedia" agentlıgı filialı sıyfatında eşen dävam itä. Ä maksat şul uk – xalıkka kiräkle häm faydalı mäglümat citkerü. vakıygalarnı tükmi–çäçmi yaktırtıp baru.
Radio
Möslimdä cirle radio 1962 eldan eşli başlıy. Tahir Galiev 1962 nçe elnıñ iyulennän rayon elemtä bülegenä «radiotapşırular oeştıruçı bularak eşkä kabul itelä. Apparaturalarga kıtlık bula. T.Galiev üz öennän 2 lentalı magnitofon alıp kilep, şunıñ be¬län avıllarga çıgıp, terlekçeleklärdän häm mexani¬zatorlardan intervyular alıp alarnıñ çıgışların äzerli. Avıllarga cäyaü dä, velosiped belän dä, at ci¬gep tä çıga Tahir abıynıñ kunıp kalgan çakları da bula. Tapşırular efirga, gadättä, kiçlären birelä. Şul uk vakıtta Möslim urta mäktäbe ukıtuçıları Ç.Galieva häm R.Xäbibullina köndezge pioner häm komsomol oeşmalarınıñ eşçänlege turında söyli, balalarnıñ kontsertlarına birelä.
Rayon Sarmanga kuşılgannan soñ, 1963 elnıñ fev¬ralendä cirle radio eşläüdän tuktıy.
1965 nçe elnıñ 1 gıynvarında Möslim rayonı kay¬tkaç rayonnıñ barlık eşçe organnarı kabat torgızıla. 1965 nçe elnıñ 1 iyulennän cirle radio kabat eşli başlıy. Anıñ oeştıruçısı itep ukıtuçı Nä¬kıya Latıypovanı kuyalar. Radiostudiya itep poçtanıñ ber bäläkäy genä bülmäsen cihazlıylar. «Tembr» häm «Kameta» markalı magnitofonnar alına. Alar belän studiyadä genä yazdıru mömkin bula.
Cämägatçelek tärtibendä radionıñ redkollegiya¬se oeştırıla. Anıñ sostavında avıl xucalıgı bel¬geçläre, VLKSM nıñ häm KPSS nıñ rayon komitetı çlennarı, mädäniyat yortı xezmätkärläre, ukıtuçı¬lar h.b. bula.
Tapşırular atnaga ike märtäbä yartışar sägat bara. (Kiçke 6.00 dän 6.30 ga kadär). Urıp-cıyu, yazgı çäçü çorında kön saen irtän 5.00 sägattän 5.30 sägatkä kadär efirga çıgalar. Älege radiotapşırularda kır eşläreneñ barışı, terlekçelektäge eşlär yaktırtı¬la, xezmät aldıngıları xörmätenä rayon üzeşçännäre başkaruında cırlar tapşırıla.
Zur yubileylarga bagışlap rayon xucalıklarınnan radioestafetalar uzdırıla. N. Latypova cirle radiotapşırularnı oeştıruçı bulıp 13 el dävamın¬da eşli. Annan soñ bu Vazıyfada törle ellarda Gölüsä, Änisä Latıypova, Näismä Mäülieva, Nazilä Lotfullina, Gölzäriya Şakirova eşli.
Radiostudiyaseneñ texnik korallanışı äkrenläp yaxşıra. Jurnalistlar urınnarga yörtü öçen uñaylı bulgan magnitofonnar häm radioreportuarlar belän çıga başlıylar.
2005 elnıñ 10 aprelendä rayonda tapşırularnı ütkärgeçle (çıbıklı) radio aşa translyatsiyaläü tukta¬tılu säbäple, cirle radio tapşırular da çıkmıy baş¬lıy.
Şul uk elnıñ 1 avgustında Möslimdä cirle ra¬diotapşırular kabat efirga çıga. FM 100 MGts eş¬lıgında Möslimneñ şäxsi radiostantsiyase eşli baş¬ladı. Yaña radio «Möslim-MR» isemen yörtä. Cirle tapşırular köngä öç tapkır – irtän – 6.00-7.00, köndez – 13.00-14.00, kiç 18.00-19.00 sägatlärdä efirga çıga. .
Tipografiya
Gazeta çıga başlagan ellarda tipografiya redaktsiya sostavında bula. Berençe ellarda poligrafiya bazası tieşle yugarılıkta bulmıy.
1953 elda tipografiyadä eşli başlagan Mösävärä Şäymärdanova äytüenä karaganda, 60x30 zurlıgındagı «Kümäk xucalık» gazetası «Amerikanka» digän stanokta basıla. Ber keşe älege maşinanı kul belän äylände¬rep tora, ä basuçı keşe kägazne ber kulı belän bi¬rep, ikençese belän ösmägä alıp tora. Gazetanı basu¬çılar üzläre ük sanıylar, kägazne üzläre ük kisälär. «Zur rulonnı beräü sütep tora, ikençe keşe lom kebek timergä urap, anı maxsus caylanmaga urnaştırabız häm taktaga urap kul belän kisäbez. Annarı kırların tigezlibez. Kägazne äräm itmäskä tırışıp eşlädek. Gazetanı töne bue basıp, ikençe könne keşe kötü ku¬ganda gına kayta idek», – dip söyli Mösävärä apa.
1958 elnıñ aprelendä ploskopeçatnıy ber stanok kaytkannan soñ, gazeta dürt bitle bulıp çıga başlıy. Älege stanokta da ike keşe eşli.
Xäref cıyu tsexında eşläüçelär gazeta cıyu belän bergä (oeşmalarga) törle zakazlar da eşlilär. Tekst cıyu öçen 6 lıdan alıp 12 legä kadär xäreflär bula. Baş cıyu öçen bulgan 36-48 le xäreflärneñ agaçka urnaştırılgannarınnan da faydalangannar. Ul, kürä¬señ, gazeta grajdannarınıñ avırlıgın äzme-küpme ciñeläytü öçen eşlängän bulgandır. Gazetanıñ ike 6
polosasın bergä zaklyuçat itkändä avırlıgı 70 kilo¬grammga kadär citä. Şul avırlıktagı grankalarnı basuçılarga kul belän kütärergä turı kilä. Gazeta tek¬stları häm zakazlar cıyuda 1965 elda uk kaytkan lino¬tip maşinaları şaktıy ciñellek tudıra.
Rayon Sarmanga kuşılgan ellarda tipografiyadäge stanok häm maşinalar, xäref kassaları taratıla ti¬pografiya filial bularak kına eşläp kala. Anda Ru¬zinä Latıypova zakazlar cıyu häm basu belän şögıl¬länä. 1965 elda rayon kaytkaç, taratılgan stanoklarnı kaytaru başlana. Bu eş, ul çorda tipografiya mödire itep bilgelängänMägdänä Malikovaga yöklänä. «Xä¬ref kassaların — Minzälädän, gazeta basu stanogın Sarmannan barıp aldık», – dip iskä ala ul.
Tipografiya 1980 8 sentyabrendä, üze möstäkıyl oeşma bulıp, redaktsiya sostavınnan aerılıp çıga. Törle ellarda anıñ belän Mansur Söngatullin, Mul¬lanur Xäyrullin, Tahir İlyasov citäkçelek itä. Anıñ eşçeläre Mösävärä Şäymärdänova, Cännät Käramova, Galiya Käşifrazova, Sufiya Töxvätullina, Ruzinä Latıypova, Orkıya Nasrullina, Mönirä Gayfieva bügen inde laeklı yaldagı xezmätçännäre. Rayon gazeta¬sı redaktsiyase 1959 elga kadär Puşkin uramındagı 33 nçe yortta bula. Ä tipografiya şunıñ kürşesendäge taş binada (xäzerge sud pristavı) urnaşa. 1959 elda Taşelgadan äzer bura kaytarıp, idän-tüşämleklären redaktsiya eşçeläre üzläre eşkärtep cäep, köz köne yaña binaga küçälär, (şul uk Puşkin uramındagı xä¬zerge «Tugan yak» muzee urnaşkan bina). Nail Mostaev redaktorlık itkän ellarda remontka digän akçalarnı cıep, yaña bina salunı planlaştıralar. Redaktsiya häm tipografiya eşçeläre üzläre fundamentın salıp, çu-pay taşı taşıylar, MSO tözüçeläre binanı tözep birä. 1970 elda ike katlı yaña binaga küçälär. 2003 elda älege binaga yankorma östäle, kapital remont ütkä¬relä başlıy. Bu eş 2004 elda tögällänä.
Gazeta 2001 elnıñ noyabrennän «Avıl utları» häm «Selskie ogni» gazetaları Yar Çallı tipografiyasendä ofset ısulı belän basıla başlıy. Tipografiyagä «POL-54» markalı basu maşinası kaytarıp remont¬langannan soñ, 2003 elnıñ 15 noyabrennän gazeta ofset ısulı belän üzebezdä basıla. Şul uk elnı az formatındagı zakazlar basuçı rezograf kaytarıla.
Televidenie
Möslim cirle televideniese 2000 nçe elnıñ 8 mar¬tında berençe tapşıruın efirga çıgara. Ul rayon xakimiyate kararı nigezendä oeştırıldı. Televide¬nieneñ berençe citäkçese Zahit Xäbirov. Efirga çıgu – atnaga 1 tapkır, ä bäyräm könnärendä atnaga 2 tapkır bula. Programma nigezdä xäbärlärdän, säxi¬fälärdän kilgän kotlau xatları buença tözelä.
Ul ellarda tapşırular bilgele ber sistemaga sa¬lıngan dip bulmıy. Texnik yaktan da mömkinleklär bik çikle bula. Tapşırularga zastavkalar gazeta-jur-nal bitlärennän alına. Programma turı lineykada montajlana. Tapşırularnıñ eçtälege häm bizäleş buença sıyfatına tieşle igtibar citmi. Televide¬nieneñ citäkçese bulıp 2002 nçe el başınnan Ramil Tulbaev eşli. 2002 el axırında televidenie belän citäkçelek itügä Mödämil Äxmätov bilgelängännän soñ, televizion tapşırularnıñ sıyfatı tamırdan üzgärä. Televideniedä sistema barlıkka kilä. 2003 el¬nıñ TU dä cäennän kompyuter belän eşläü başlana. Moña kadär tapşırular, xäbärlär lineynıy montaj yardämendä äzerlänä. Bu tapşırularnı sıyfatlı baş-kauda zur kıenlıklar tudıra, vakıt küp sarıf itelä.
Kompyuter urnaştırılgaç, barlık töşerelgän material başta kompyuterga kertelä. Annan tavış yazdırıla. Şul nigezdä kadrlar tuplap tezelä. Komp¬yuter belän eşläü sıyfatnı kütärergä yardäm itä. Berençedän, kadrlar tekstta baruçı süzne tulılandırıp kürsätä, ikençedän, törle effektlarnı öyränü, kullanu näticäsendä tapşırularnı maturlar mömkinlege tua.
Eş sıyfatlı bulsın öçen, xezmät koralınıñ yaxşı buluı zarur. Şunıñ kebek ük, berençe ellarda kullanılgan «puşka» dip yörtelüçe «ÜNS» kamerası urınına professional kamera kaytkaç, kadr töşerü sıyfatı yaxşıra. Operatorlarnıñ xezmät künekmäläre arta. «Yörgän» kadrlar bette diyarlek, «portretlı» kadrlar cıyuga östenlek birelä başlıy.
Bez
 |
Äxmätov Mödämil Gıylemcan ulı
«Möslim informatsiya-redaktsiya üzäge (Matbugat üzäge)» direktorı . 1950 elnıñ 1 gıynvarında tugan. Yugarı belemle, Kazan däülät universitetnıñ jurnalistika fakultetın tämamlagan. Xezmät yulın mexanizator bularak başlap cibärä, Sovet Armiyase saflarında xezmät itep kaytkaç, ber el uıtuçı bulıp eşli, annan soñ «Avıl utları»nda korrespondent, avıl xucalıgı bülege mödire, KPSSnıñ möslim rayonı instruktorı, partiya komissiyase räise, RF Pensiya fondınıñ Möslim bülege citäkçese. 2002 elnı Möslim teleradiokompaniyaseneñ general direktorı. 2003 eldan Möslim Matbu¬gat üzägen citäkli. Mödämil Gıylemjanoviç – rayonnıñ mäglümat çaraları üseşendä zur adım yasagan, yañalık alıp kilgän şäxes. Ul bu ölkädäge kazanışları öçen Tatarstan Däülät Sovet räiseneñ Räxmät xatı belän büläklände. 2004 elnıñ gıynvarennan TR jurnalistlar soyuzı çlenı. 2004 elda "Avıl utları" gazetası "Bällür kaläm"gä laek buldı. 2004 eldan M.Äxmätov initsiativası belän Möslim radiosı efirga çıga, televidenie tsifrlı formatta eşli başladı. 2006 elda M.G.Äxmätov "Tatmedia" agentlıgınıñ maktau gramotasına laek buldı.
 |
Kaşapova Läylä Nur kızı
2001 elda Kazan däülät universitetınıñ tatar tele, ädäbiyatı häm könçıgış telläre fakultetın tämamlıy. Xezmät yulın 2001 elnıñ 12 iyulennän «Avıl utları» gazetasında korrespondent bularak başlıy. 2003 elnıñ sentyabrennän «Möslim informatsiya-redaktsiya üzäge» Däülät uçrejdenieseneñ informatsiya xezmäte citäkçese itep bilgelänä. 2004 elnıñ gıynvarennan TR jurnalistlar soyuzı çlenı. Rayon xakimiyate başlıgınıñ häm "Tatmedia" agentlıgınıñ Maktau gramotaları belän büläklände.
 |
Nogmanova Älfinur Foat kızı
1984 elda Kazan däülät universitetınıñ jurnalistika fakultetın tämamlıy. 1984 elnıñ 1 avgustınnan «Avıl utları» gazetasınıñ avıl xucalıgı bülege mödire. 1990 elda cavaplı sekretar vazıyfasına bilgelänä. 1997 eldan redaktor urınbasarı vazıyfaların başkara. 2003 elda «Möslim informatsiya-redaktsiya üzäge» Däülät uçrejdeniese general direktorınıñ gazeta buença urınbasarı itep bilgelänä. 2004 elnıñ noyabrennän - ädäbi redaktor. 2004 elnıñ gıynvarınnan TR jurnalistlar soyuzı çlenı. Rayon xakimiyate başlıgınıñ häm "Tatmedia" agentlıgınıñ Maktau gramotaları belän büläklände. Ä.Nogmanova bügenge köndä telestudiya citäkçese vazıyfaların başkara.
Äxmätov Renat Mödämil ulı
Renat Äxmätov bügenge köndä radiostudiya citäkçese vazıyfaların başkara. Matbugat üzägendä xezmät yulın 2003 eldan başladı. Kıska gına vaktıt eçendä üzen yañalıkka omtıluçı xezmätkär itep kürsätte.Televidenieneñ tsifrlı formatka küçüe R.Äxmätovnıñ turıdan–turı katnaşında tormışka aşırıldı. Möslim radiosı cihazları R. Äxmätovnıñ şäxsi sredstovları isäbenä alındı. Xezmätendäge uñışları öçen R.Äxmätov 2004 elda rayon başlıgınıñ Maktau garmotası belän büläklände.
Afzalova Rimma Räşid kızı
Kazan däülät universitetınıñ tatar tele, ädäbiyatı häm könçıgış telläre fakultetın tämamlıy. Urta mäktäptä balalar ukıta. 2004 elnıñ iyulennän Matbugat üzägendä eşli başlıy.Korrespondent, telestudiya citäkçese vazıyfaların başkara. 2007 eldan Matbugat üzägeneñ reklama xezmäte citäkçese.
Arslanova Mönirä Zahit kızı
Şäymieva Liliya Känif kızı
Baxtiyarova Ruzilä Äxmäy kızı
Alabuga däülät pe¬dagogiya institutın tämamlıy. 1980 eldan mäktäptä rus tele häm ädäbiyatı ukıtuçısı. 1983 eldan «Avıl utla¬rı» gazetası redaktsiyasendä – tärcemäçe, dublyaj buença redaktor urınbasarı, dublyaj bülege mödire bulıp eşli.
Şiriyazdanova Näzilä Gosman kızı
Färdieva Flüzä Farsıy kızı. 1980 eldan Möslim tipografiyasendä basuçı, 2003 eldan «Möslim informatsiya-redaktsiya üzäge» Däülät uçrejdeniesendä kompyuterda verstkalauçı.
Xäybraxmanova Svetlana Nail kızı. 1975 eldan «Avıl utları» gazetası redaktsiyaseneñ dublyajı «Sel-skie ogni» gazetasında, 2003 eldan «Möslim informa¬tsiya-redaktsiya üzäge» Däülät uçrejdeniesendä korrek¬tor bulıp eşli.
Nizamova Nuriya Robert kızı – Alabuga kultura- agartu uçiliçesınıñ kitapxanä bülegen tämamlıy. 1984 eldan – «Avıl utları» gazeta redaktsiyasendä, 2003 eldan «Möslim informatsiya-redaktsiya üzäge» Däülät uçrejdeniesendä korrektor bulıp eşli.
Zamalov İlnur Azat ulı
Soltanova Elvira Xämzovna |
