"Novaya jizn" gazetası  1917 elnıñ dekabrennän (1917-1919 eldan  "Krestyanin", egermençe ellarda-stenaga elenä torgan bitlär, 1930-1960 eldan-"Kolxozıy put," 1960-1962-"Sovetskoe xozyaystvo", ä 1963 eldan xäzerge isem belän çıga başladı).

1963 eldan tatar telenä  ("Yaña tormış") tärcemä itelä. Grajdannar sugışı ellarında tatar telendä gazetanıñ berniçä sanı  dönya kürä.

Xäzerge vakıtta  gazetanı oeştıruçı-Tatarstan Respublikası "Tatmedia" massaküläm kommunikatsiyalär  agentlıgı.

Gazetanıñ berençe redaktorı Spas öyazendä tuıp- üskän Andrey Nikolaeviç Burumov bula, ul utızınçı ellarda repressiyalänä. 1987 eldan redaktsiya iñ aktiv ştattan tış  xäbärçelär öçen  Burumov isemendäge premiya buldırdı. El saen  iñ yaş avtorlar  "Altın kaläm" balalar häm yaşlär pressasınıñ respublika festivalendä katnaşa.

1992 elda redaktsiya kollektivı Tatarstan Respublikasınıñ Maktau  gramotası belän  büläklände, 1997 elda Tatarstan Respublikası Prezidentı kotlavın aldı.

Redaktsiya berniçä tapkır cirle üzidarä temasın yaxşırak yaktırtkan öçen respublika konkursı prizerı buldı (2006 elda-Tatarstan Respublikası Däülät Sovetınıñ ikençe däräcä diplomı). 2007 elda TR Ekologiya häm tabigıy resurslarnı saklau ministrlıgı "Parklar marşı" xalıkara tabigatne saklau  aktsiyase vakıygaların aktiv yaktırtkan öçen  diplom belän büläkläde.

Kayber jurnalistlar törle icadi konkurslarda katnaşıp, büläklärgä laek  buldılar.

Yazmalarnıñ töp teması-avılnıñ sotsial- iktisadıy häm  mädäni üseşe (avıl xucalıgı rayonı), milli proektlarnı tormışka aşıru, maltabarlıknı üsterü, yaşlärne tugan yak tarixı  traditsiyalärendä tärbiyaläü. Bolgar däülät tarix-arxitektura zapovednigı eşen yaktırtuga zur igtibar birelä.

Redaktsiya xalıkka häm yuridik zatlarga blanklar bastıru  häm  kserokopiya yasau xezmäte kürsätä.

Gazeta A-3 formatı belän  atnaga ber tapkır (çärşämbe),  ike sannı berläşterep, sigez bit  bulıp çıga (plyus "Tatar-inform agentlıgınıñ dürt bite).

Rus häm tatar tellärendä gazetanıñ urtaça tirajı yakınça 3300 danä (şunıñ 500e -alternativ podpiska buença taratıla).

Gazetanıñ redaktorı (1981 eldan)-Samarkin Anatoliy Petroviç.

Adresı: 422840, Spas rayonı,Bolgar şähäre, Vaxitov uramı,35.

Telefon (faks): 3-08-02, 3-00-02.